23/10/2026
سننے میں تھوڑا عجیب لگے لیکن سچ ہے کہ !
“ کبھی کبھی انسان کی چھوٹی سی کامیابی اس کے لیے ہمیشہ کی ناکامی کی وجہ بن جاتی ہے “
آج مرشد سائیں نے مجھے ایک خوبصورت کہانی سنائی جو میرے دل کو چھُو گئی وہ کہتے ہیں !
ایک بندہ کسی فقیر کے پاس آیا اور کہنے لگا میں ترقی کرنا چاہتا ہوں مجھے کوئی راستہ بتائیں، میں زیادہ پڑھا لکھا بھی نہیں اور نہ ہی میرے پاس کوئی دولت ہے اور نہ ہی کوئی ہنر ۔ گھر میں ایک بیوی ہے تین بچے ہیں ایک بھینس ہے جس کے دودھ سے پورا گھر چلتا ہے ۔
فقیر نے غور سے اس کی بات سُنی تھوڑی دیر خاموشی کے بعد فقیر نے کہا کہ وہ بھینس مجھے دے دو اور اگر تم ایسا نہیں کر سکتے تو چلے جاؤ۔
فقیر یہ کہہ کہ خاموش ہوگیا 🤐
بندہ تو بالکل ہکا بکا رہ گیا اور سوچنے لگا کہ فقیر تو لالچی آدمی ہے اگر بھینس بھی اس کو دے دی تو میرا گھر کیسے چلے گا میرے بیوی بچوں کا کیا بنے گا ؟🤔 اور وہاں سے چلا گیا
اگلی صبح جب وہ اُٹھا تو بھینس صحن میں مری پڑی تھی اس کے دماغ میں مختلف شکوک و شبہات چلنے لگے کہیں فقیر نے تاویز دھاگہ تو نہیں کروا دیا؟ یا یہ کوئی قسمت کا کھیل ہے خیر جو بھی ہو اس کا سب سے قیمتی آثاثہ تو جا چکا جو اس کے گھر کی کفالت کا واحد ذریعہ تھا
تب اسے یہ بات بھی ستانے لگی کہ فقیر کو دے ہی دیتا یہ بھینس شاید کچھ اس کے بدلے میں فقیر دے ہی دیتا لیکن اب پچھتائے کیا ہوت جب چڑیاں چگ گئیں کھیت 😔
دو تین دن رونے دھونے کے بعد ایک دن اس نے اپنی بیوی کو بلایا اور کہا کہ کیوں نہ اپنی گاؤں میں پڑی زمین کو آباد کیا جائے اس کی بیوی بھی مان گئی اور وہ میاں بیوی دونوں مل کر کھیتی باڑی کرنے لگے
قدرت کا کرنا یہ ہوا کہ پہلے سال کی فصل اتنی اچھی ہوئی کہ انھوں نے دو بھینسیں لی لیں اور تین چار سال گزرتے ہی وہ کافی خوشحال ہوگیا 🙂
ایک دن بازار سے گزر ہی رہا تھا کہ اسے اچانک وہی فقیر دِکھا وہ دوڑ کے اس کے پاس گیا اور اسے ساری کہانی سنائی ! فقیر ہنسا اور کہنے لگا
“ میں نے ہی تمہاری بھینس کو زہر دلوایا کیونکہ وہی تمھاری ترقی کے راستے میں روکاؤٹ تھی “
ہم میں سے اکثر لوگوں نے ایسی ہی کوئی نہ کوئی بھینس پال رکھی ہے
سوچو !🤔
اگر آپ کوئی جاب کر رہے ہو یا کوئی کاروبار لیکن وہ آپ کو خوشحال کرنے کے لیے کافی نہیں ہے اور آپ اسے چھوڑ بھی نہیں پارہے یہ وہی بھینس ہے
ہوسکتا ہے ایک وقت ایسا بھی گزرا ہو کہ وہ کام آپ کا ڈریم کام رہا ہو یا اس کام سے آپ کے بہت سارے مسائل حل ہوئے ہوں لیکن اب نہ وہ مسائل ہیں نہ وہ وقت ۔
ایک شاندار آئیڈیا بھی وہ بھینس ہوسکتا ہے ایک ایسا آئیڈیا جو کسی وجہ سے قابلِ عمل نہ ہو پایا ہو
وہ بھینس کوئی امید بھی ہوسکتی ہے جو کافی سالوں سے آپ کے اندر ہے لیکن پوری نہیں ہوئی اور آپ کو کچھ اور سوچنے بھی نہیں دے رہی ۔
تو سب سے پہلے اس بھینس کو مار دو اب سوال آتا ہے کیسے ؟ 🤔
کم سے کم چھ ماہ کے گھر کے خرچ کا بندوبست کرو ، کوئی چیز بیچو ، کسی سے ادھار لو اور چھ ماہ کچھ مت کرو آرام سے گھر بیٹھو اپنی ساری امیدوں پہ پانی پھیرو جو آپ نے دوسروں سے لگا رکھی ہیں ،
اپنی پسند نہ پسند کو دیکھو ، سستا لیکن صحت مند کھانا کھاؤ اپنی مرضی سے یہ چھ ماہ گزارو اور غور کرو وہ کونسا کام ہے جو تم خوشی سے کرسکتے ہو جو تمہارے ان چھ ماہ کو زندگی کے بہترین دن بنا دے
یہ مت سوچو چھ ماہ بعد کیا بنے گا ، قرضہ کیسے اتاروں گا ، بچوں کا کیا بنے گا جب ایسا خیال آئے تو خود کو کہو یہ باتیں چھ ماہ بعد سوچوں گا
اگر ایسا نہیں بھی کرو گے تو چھ ماہ گزر ہی جائیں گے جہاں اتنے سال گزر گئے میں اپنے تجربے سے کہہ رہا ہوں آپ کے اندر آہستہ آہستہ ایسی تبدیلی آئے گی کہ آپ نے کبھی سوچا بھی نہیں ہوگا
بس یاد رکھنا بھینس مر جائے تو پہلا ہفتہ مشکل ہوگا 📌
آخری سوال کیا آپ نے بھی کوئی بھینس پال رکھی ہے ؟ مجھے اپنے کومنٹ میں لازمی بتائیں 👇🏻