Wapda Town Phase 3

09/10/2026

🚨 واپڈا ٹاؤن ملتان کے تمام معزز ممبران کی توجہ مطلوب ہے! 🚨
​السلام علیکم معزز رہائشیوں!
​سوسائٹی میں کسی بھی ترقیاتی کام اور قانونی کارروائی کو آگے بڑھانے کے لیے 'نارمز' (Norms) اور سالانہ اجلاس عام (AGM) کا انعقاد انتہائی ناگزیر ہے۔
​⚠️ تاریخی حقیقت:
آخری بار سوسائٹی کے یہ قواعد و ضوابط اور اے جی ایم سال 2015 میں منظور ہوئے تھے। 2015 سے 2026—یعنی 11 سال (ایک دہائی) کے طویل عرصے سے یہ کام لٹکا ہوا ہے۔
​❌ ترقیاتی کاموں میں رکاوٹ:
اب جب 11 سال بعد تقریباً 519.7 ملین روپے کے سڑکوں، سیوریج اور دیگر اہم ترقیاتی کاموں کی منظوری کے لیے اے جی ایم کروانے کی کوشش کی جا رہی ہے، تو وہی چند مخصوص لوگ تحریری اعتراضات جمع کروا کر اس پر سٹے اور رکاوٹیں ڈال رہے ہیں جو گزشتہ 10-11 سالوں سے سوسائٹی کی پیش رفت میں حائل ہیں۔
​⚖️ یاد رکھیے!
جب تک AGM کے ذریعے ان قواعد کی حتمی منظوری نہیں ہوگی، سوسائٹی کا کوئی بھی نیا ترقیاتی کام شروع ہونا ناممکن ہے۔ رکاوٹ ڈالنے والے ان چند عناصر کا یہ رویہ سوسائٹی کے ہزاروں مکینوں کے ساتھ زیادتی ہے۔
​🤝 ہماری اپیل:
ہم تمام مکینوں اور ان اراکین کے دوستوں و ہمسایوں سے اپیل کرتے ہیں کہ شخصی ضد اور انا سے بالاتر ہو کر سوسائٹی کے اجتماعی مفاد کو ترجیح دیں، اعتراضات واپس لیں اور AGM کے انعقاد کی بھرپور حمایت کریں۔
​سوسائٹی کی ترقی اور قانون کی بالادستی میں ہی ہم سب کا فائدہ ہے!
​منجانب:
✨ مخلص و بیدار رہائشی ممبران، واپڈا ٹاؤن ملتان

10/09/2026

04/08/2026

واپڈا ٹاؤن فیز 3 کے تمام متاثرین کے لیے ایک اہم گزارش۔

سوشل میڈیا نے ایک بار پھر ثابت کر دیا ہے کہ اگر عوام متحد ہو کر اپنی آواز بلند کریں تو بڑے سے بڑا مسئلہ بھی متعلقہ حکام تک مؤثر انداز میں پہنچایا جا سکتا ہے۔

یہ ہم سب کے لیے ایک بہترین موقع ہے کہ واپڈا ٹاؤن فیز 3 کے دیرینہ مسائل کو بھرپور انداز میں اجاگر کریں۔ ہم سب کو چاہیے کہ سوشل میڈیا کے ذریعے سیکرٹری کوآپریٹو، سیکرٹری ہاؤسنگ، وزیرِ کوآپریٹو، وزیرِ ہاؤسنگ اور معزز وزیرِ اعلیٰ پنجاب تک اپنی آواز پہنچائیں۔

میری تمام فیز 3 کے متاثرین سے درخواست ہے کہ سوشل میڈیا پر فعال کردار ادا کریں، اپنی جائز مشکلات اور مطالبات مہذب انداز میں پیش کریں، اور اس مہم کا حصہ بنیں۔

یاد رکھیں، متحد آواز ہی سب سے زیادہ مؤثر ہوتی ہے۔ اگر ہم مستقل مزاجی اور اتحاد کے ساتھ اپنی بات پہنچاتے رہے تو ان شاء اللہ آنے والے چند ہفتوں میں مثبت پیش رفت ضرور دیکھنے کو ملے گی۔

04/08/2026

🏗️ واپڈا ٹاؤن فیز 3

📍 حدودِ اراضی کی نشاندہی کا آغاز ___
✨ بحالی اور ترقی کی جانب ایک اہم سنگِ میل

الحمدللہ! واپڈا ٹاؤن فیز 3 میں سیمنٹ کے کنکریٹ پِلرز (Boundary Pillars) یعنی برجیاں نصب کرنے کا عمل باقاعدہ شروع ہو چکا ہے۔

واپڈا ٹاؤن سوسائٹی کی منیجمنٹ واپڈا ٹاؤن کی ملکیتی اراضی پر کنکریٹ پِلرز نصب کر رہی ہے۔ اس وقت یہ کام موضع مدینہ اور موضع چک گھاگرہ میں جاری ہے، جبکہ دیگر مقامات پر بھی یہ سلسلہ مرحلہ وار جاری رہے گا۔

صدر واپڈا ٹاؤن سوسائٹی جناب امجد نواز بھٹی اس منصوبے میں خصوصی دلچسپی لے رہے ہیں، جبکہ فیز 3 کے لیے تشکیل دی گئی منیجمنٹ کمیٹی کی ٹیم سیکرٹری جناب محمد علی یاسر کی نگرانی میں اس کام کی مسلسل مانیٹرنگ کر رہی ہے۔

یہ پیش رفت تقریباً 16 ہزار متاثرہ فائل ہولڈرز کے لیے ایک خوش آئند اور حوصلہ افزا خبر ہے۔ امید ہے کہ اس کے بعد ترقیاتی کاموں، دیگر انتظامی امور اور فیز 3 کی بحالی کے عمل میں بھی مزید تیزی آئے گی۔

ان شاء اللہ وہ دن دور نہیں جب واپڈا ٹاؤن فیز 3 مکمل طور پر بحال ہوگا، ترقیاتی کام مزید رفتار پکڑیں گے اور برسوں سے اپنے حق کے منتظر ہزاروں فائل ہولڈرز کو ان کے پلاٹس ملیں گے۔

اللہ تعالیٰ ہماری اس اجتماعی جدوجہد کو قبول فرمائے، اس میں برکت عطا فرمائے، تمام رکاوٹیں ختم فرمائے اور بہت جلد تمام متاثرہ فائل ہولڈرز کو ان کا جائز حق عطا فرمائے۔ آمین یا رب العالمین۔

، متاثرین فیز 3
واپڈا ٹاؤن سوسائٹی ملتان

03/08/2026

الحمدللہ!

15,000 سے زائد فائل ہولڈرز نے اپنی دستاویزات ویریفکیشن کے لیے جمع کروائیں۔ یہ مرحلہ متاثرین فیز 3 کے اتحاد، نظم و ضبط اور ذمہ داری کا واضح ثبوت ہے۔

ہم تمام معزز ممبران کے تعاون، اعتماد اور بھرپور شرکت پر تہہ دل سے شکر گزار ہیں۔

اس موقع پر یہ بات بھی حوصلہ افزا ہے کہ سوسائٹی کے سیکرٹری جناب محمد علی یاسر نے یقین دہانی کرائی ہے کہ وہ فائل ہولڈرز کے ساتھ شفافیت اور تعاون کے اصولوں کے مطابق کام کر رہے ہیں۔

اسی سلسلے میں کنوینئر متاثرین فیز 3 نے مینجمنٹ کمیٹی سے اپیل کی ہے کہ ویریفکیشن کا عمل مکمل ہونے کے بعد فائل ٹرانسفر کا عمل جلد از جلد شروع کرنے کے لیے فوری اور مؤثر اقدامات کیے جائیں، اور اس کے ساتھ ساتھ سالانہ جنرل اجلاس (AGM) کا بھی جلد از جلد انعقاد کیا جائے، تاکہ فیز 3 کے فائل ہولڈرز سوسائٹی کی بحالی، ترقیاتی کاموں اور اپنے خوابوں کے منصوبے کو عملی طور پر اپنی آنکھوں کے سامنے بنتا اور ترقی کرتا ہوا دیکھ سکیں۔

ہم ان شاء اللہ اسی جذبۂ اتحاد، شفافیت اور باہمی تعاون کے ساتھ مینجمنٹ کمیٹی کے شانہ بشانہ رہتے ہوئے فیز 3 کی بحالی، فائل ٹرانسفر، ترقیاتی کاموں کے آغاز اور تمام فائل ہولڈرز کے حقوق کے حصول کے لیے اپنی مثبت، تعمیری اور پرامن جدوجہد جاری رکھیں گے۔

اللہ تعالیٰ ہم سب کی مشترکہ کوششوں کو قبول فرمائے، آسانیاں پیدا فرمائے اور ہمیں جلد کامیابی عطا فرمائے۔ آمین۔

متاثرین فیز 3، واپڈا ٹاؤن سوسائٹی ملتان

29/07/2026

*السلام علیکم!*
آپ سب سے مؤدبانہ درخواست ہے کہ اس پوسٹر کو *اپنی Facebook Timeline اور Facebook Story* پر لازماً شیئر کریں۔
یہ صرف ایک پوسٹر نہیں بلکہ *16 ہزار سے زائد متاثرہ فائل ہولڈرز کی مشترکہ آواز* ہے۔ جتنے زیادہ لوگ اسے شیئر کریں گے، اتنی ہی مؤثر انداز میں ہماری *آواز واپڈا ٹاؤن انتظامیہ، متعلقہ حکام اور اعلیٰ حکام* تک پہنچے گی۔

*پوسٹر شیئر کرنے کے بعد براہِ کرم اس کا اسکرین شاٹ یا Facebook پوسٹ کا لنک اسی گروپ میں بھی شیئر* کریں تاکہ تمام ممبران کی حوصلہ افزائی ہو، ہماری یکجہتی کا اظہار ہو، اور زیادہ سے زیادہ لوگ اس مہم میں شامل ہوں۔

🤝 *آئیں، اتحاد کا عملی مظاہرہ کریں۔*

*ایک شیئر ہماری مشترکہ جدوجہد کو مزید مضبوط بنا سکتا ہے۔*

*اتحاد ہماری طاقت ہے، اور ہماری مشترکہ آواز ہی ہماری کامیابی کی ضمانت ہے۔*

*متاثرین فیز 3، واپڈا ٹاؤن سوسائٹی ملتان*

28/07/2026

*واپڈا ٹاؤن مینجمنٹ کمیٹی کے نام ایک پرزور اپیل*

محترم سیکرٹری و معزز ممبران، واپڈا ٹاؤن مینجمنٹ کمیٹی

السلام علیکم

واپڈا ٹاؤن فیز تھری کی فائل ویریفکیشن کی مقررہ مدت اختتام پذیر ہو چکی ہے اور الحمدللہ ہزاروں فائل ہولڈرز نے اعتماد کا اظہار کرتے ہوئے اپنی فائلیں ویریفکیشن کے لیے جمع کرا دی ہیں۔ اب وقت آ گیا ہے کہ اس عمل کو اگلے مرحلے میں لے جایا جائے۔

ہم آپ سے پُرزور مطالبہ کرتے ہیں کہ بلا تاخیر آئندہ کا واضح لائحہ عمل جاری کیا جائے، تاکہ فائل ہولڈرز غیر یقینی صورتحال سے نکل سکیں۔ اس سلسلے میں درج ذیل اقدامات فوری طور پر کیے جائیں:

فیز تھری کی فائلوں کی ٹرانسفر پر عائد پابندی فوری ختم کی جائے۔

ایم ڈی اے سے PP-1 کی منظوری جلد از جلد حاصل کی جائے۔

NESPAK کے ساتھ فیز تھری کے ماسٹر پلان اور نقشہ جات کو حتمی شکل دینے کے لیے فوری پیش رفت کی جائے۔

فیز تھری کی مرحلہ وار پیپر ڈویلپمنٹ کے بعد باقاعدہ گراؤنڈ ڈویلپمنٹ کا آغاز کیا جائے اور اس کا قابلِ عمل ٹائم لائن جاری کیا جائے۔

واپڈا ٹاؤن فیز تھری کے متاثرین ایک دہائی سے زائد عرصے سے امید اور انتظار کے درمیان زندگی گزار رہے ہیں۔ اب مزید تاخیر ان ہزاروں خاندانوں کے ساتھ ناانصافی ہوگی۔ آپ ایک مضبوط مینڈیٹ کے ساتھ آئے ہیں اور آپ کو MEPCO سمیت متعلقہ اداروں کا تعاون بھی حاصل ہے۔ یہی وقت ہے کہ آپ اپنی پیشہ ورانہ صلاحیتوں، دیانت داری اور قائدانہ کردار کا عملی ثبوت دیں۔

ہمیں یقین ہے کہ اگر عزم اور رفتار کے ساتھ کام کیا جائے تو واپڈا ٹاؤن فیز تھری کا دیرینہ خواب حقیقت بن سکتا ہے۔

خدارا، فیز تھری کے متاثرین پر رحم کریں، واضح روڈ میپ دیں، عملی اقدامات شروع کریں اور واپڈا ٹاؤن فیز تھری کو کاغذوں سے نکال کر زمین پر حقیقت بنائیں۔

27/07/2026

Citi Housing Multan Phase 1
Block C..
5 marle Plot Required in mark Area
Jo bhi Client apna plot sale krna chata hai woh whats app per Rabta kre ..
Irfan Rafiq
0306-0710743
0310-6262024
https://wa.me/message/X5FARWPO4QJGO1
City Network Real Estate
Office # 42 Dealers Enclave Citi Housing Multan