13/10/2026
ඉතාලියේ ගෙයක් ගන්න කලින් මේ දේවල් 10 බැලුවේ නැත්නම්, ඔයාගේ මහන්සිය ඔක්කොම වතුරේ ! 💸
අවුරුදු ගාණක් දහඩිය වගුරවලා, සතෙන් සතේ එකතු කරලා ඉතාලියේ තමන්ගේම කියලා ගෙයක් ගන්න එක අපේ ගොඩක් අයගේ ලොකුම හීනයක්. ඒත් මතක තියාගන්න, බැලූ බැල්මට මාලිගාවක් වගේ පේන ගෙයක් අස්සේ ඔයාගේ සාක්කුව හිස් කරන "ලෙඩ" හැංගිලා තියෙන්න පුළුවන්.
ඒජන්සි (Agenzia Immobiliare) කියන කතා වලට විතරක් රැවටෙන්නේ නැතුව, Geometra කෙනෙක් ගෙනියන්නත් කලින් ඔයාටම පුළුවන් මේ දේවල් 10න් ගෙදර ඇත්ත තත්වේ "ස්කෑන්" කරලා බලන්න.
ගෙවල් බලන්න යන දවසට මේක ඔයාගේ චෙක්ලිස්ට් එක කරගන්න!
1. බිත්තිවල හැංගිච්ච සතුරා - 'Muffa' (පුස්) 🦠
ඉතාලියේ ගෙවල් වල තියෙන ලොකුම ප්‍රශ්නයක් තමයි තෙතමනය සහ පුස්. ගේ විකුණන්න කලින් අයිතිකාරයෝ අලුතින් පේන්ට් කරලා මේවා හංගන්න පුළුවන්. ඒත් ඔයා ගේ ඇතුළට ගිය ගමන් එන සුවඳ ගැන සැලකිලිමත් වෙන්න.
අල්මාරි පිටිපස්සේ, ජනෙල් මුලු වල සහ බිම ලීස්තර (battiscopa) ගාව කලු පාටට තියෙනවද කියලා හොඳට බලන්න.
2. වතුර කරාම ඇරලා බලන්න 🚰
ගෙදරට ගියාම නිකන්ම වටපිට බලලා එන්න එපා. බාත්රූම් එකේ, කුස්සියේ ටැප් එකක් ඇරලා බලන්න වතුර පීඩනය (Water pressure) කොහොමද කියලා.
ඒ වගේම වතුර බැහැලා යනවා ද, නැත්නම් හිර වෙනවා ද කියලත් බලන්න. පරණ යකඩ බට තියෙන (Tubature vecchie) ගෙවල් වල නම් වතුර ටිකක් කහ පාටට එන්න පුළුවන්.
3. බොයිලේරුවේ (Caldaia) වයස කීයද? 🔥
සීතල කාලෙට ගෙදරට පණ දෙන්නේ කල්දාය (Caldaia) එක. මේක අවුරුදු 10-15 කට වඩා පරණ නම්, ඒක මාරු කරන්න ඔයාට ලොකු ගාණක්
(යුරෝ 1500 - 3000 අතර) වියදම් කරන්න වෙනවා.
කල්දාය එක අලුත්ද, හැම අවුරුද්දෙම සර්විස් කරලද (Libretto della caldaia) කියලා අනිවාර්යයෙන්ම අහන්න.
4. ජනෙල් සහ දොරවල් (Infissi) 🪟
ඔයාගේ ගෑස් බිල තීරණය කරන ප්‍රධානම සාධකය මේකයි. ජනෙල් ළඟට ගිහින් අත තියලා බලන්න එළියෙන් හුළඟ එනවද කියලා. ලී ජනෙල් ද තියෙන්නේ, නැත්නම් නවීන Doppio Vetro (Double glazing) ජනෙල් ද?
පරණ ජනෙල් තියෙන ගෙදරක හීටර් දැම්මත් රස්නේ රඳන්නේ නැහැ, බිල විතරයි එන්නේ.
5. විදුලි පද්ධතිය නියාමනය කරලද? ⚡
මේක ඔයාගේ පවුලේ ආරක්ෂාව. ගෙදර Salvavita (Main Switch එක) අලුත් එකක්ද බලන්න.
ඒ වගේම විදුලි පද්ධතිය සම්මත ප්‍රමිතීන්ට අනුව (Impianto a norma) තියෙනවද කියලා අහන්න. පරණ වයර් තියෙන ගෙවල් වලට අලුතින් වයර් අදිනවා කියන්නේ යුරෝ දහස් ගාණක වැඩක්.
6. බිම ටයිල් වලට තට්ටු කරලා බලන්න 🧱
ඇවිදිනකොට බිම ටයිල් එකක් හරි ලී බිමක් (Parquet) හරි පුපුරලා, ඉස්සිලා තියෙනවද බලන්න. සපත්තුවෙන් පොඩි තට්ටුවක් දාලා බලන්න ඇතුල හිස් සද්දයක් එනවද කියලා. එහෙම එනවා නම් ටයිල් එක යට බදාම දියවෙලා හරි පරණ වෙලා හරි.
7. එළියේ බිත්ති සහ වහලය (Facciata & Tetto) 🏠
ඔයා ගන්නේ Condominio (මහල් නිවාස) එකක් නම්, ගොඩනැගිල්ලේ පිටත බිත්ති වල (Facciata) තීන්ත ගැලවිලා ද, ඉරිතලලා ද කියලා බලන්න. මේවා අලුත්වැඩියා කරන්න වුණොත් ඔයාටත් ඒකේ කොටසක් ගෙවන්න වෙනවා (Spese straordinarie). වහලය ගැනත් ඒ විදියටම හොයලා බලන්න.
8. බලශක්ති සහතිකය (Classe Energetica - APE) 📜
හැම ගෙදරකටම APE සහතිකයක් තියෙන්නම ඕනේ. මේකේ A ඉඳන් G වෙනකන් අකුරු තියෙනවා. ගෙදර තියෙන්නේ G හෝ F කාණ්ඩයේ නම්, ඒ ගෙදර ඉක්මනින් රත් වෙන්නෙත් නෑ, කරන්ට් බිලත් වැඩියි. අනාගතේදී යුරෝපා සංගමයේ නීති වලට අනුව මේවා අනිවාර්යයෙන්ම අලුත්වැඩියා කරන්නත් සිද්ධ වෙන්න පුළුවන්.
9. හිරු එළිය සහ වාතාශ්‍රය (Esposizione) ☀️
ගෙදරට දවල්ට ඉර එළිය වැටෙනවද? දකුණට (Sud) හෝ නිරිත දෙසට
(Sud-Ovest) මුහුණලා තියෙන ගෙවල් වලට හොඳට ඉර එළිය වැටෙනවා. ගේ ඇතුලට ගියාම දවල්ටත් ලයිට් දාන්න ඕනේ නම්, ඒ ගෙදර තෙතමනය සහ පුස් හැදෙන්න තියෙන ඉඩකඩ ගොඩක් වැඩියි.
10. කන්ටීනාව (Cantina) සහ ගරාජය 🚗
ගෙදර හොඳට තිබ්බට Cantina එකට හෝ ගරාජයට ගිහින් බලන්න. වහින කාලෙට වතුර පිරෙන (Allagamento) ලකුණු බිත්තිවල තියෙනවද බලන්න. බිත්තියේ යට කොටසේ පාට වෙනස් වෙලා නම්, ඒ කියන්නේ කලින් වතුර පිරිලා තියෙනවා.
ගෙයක් ගන්නවා කියන්නේ ජීවිතේ කරන ලොකුම ආයෝජනයක්. බැලූ බැල්මට ආදරේ හිතෙන ගෙවල් වලට ඉක්මන් වෙලා අත්සන් කරන්න කලින්, මේ දේවල් 10 ගැන පොඩ්ඩක් සැලකිලිමත් වෙන්න. ඔයාගේ සල්ලි වගේම ඔයාගේ හිතේ සාමයත් ඉතුරු වෙයි!
ඉතාලියේ ගෙයක් ගන්න හීන දකින ඔයාගේ යාලුවන්ටත් බලන්න මේ ලිපිය Share කරන්න 👇
ඔබේ මහන්සියෙන්, දහදියෙන් හම්බකරපු සල්ලි වලින් ගන්න ඒ පළවෙනි ගෙදර, ඔබේ ජීවිතේ ලස්සනම ආයෝජනය කරගන්න මේ කරුණු ටික අනිවාර්යයෙන්ම උදව් වේවි. ඉතාලියේ ඔබේම නිවහනක හීනය සැබෑවෙන ඒ සුන්දර දවසට, අපෙන් උණුසුම් සුබ පැතුම් !
භාෂාවේ ගැටලු, Busta Paga එකේ ප්‍රශ්න, බැංකු වල තියෙන සංකීර්ණ නීති රීති නිසා ගොඩක් දෙනෙක් තමන්ගේම ගෙවල් හීනය අතහැරලා දානවා.
නමුත් Lighthouse අපි ඉන්නේ ඒ හීනය හැබෑ කරලා දෙන්නයි !
අපි ඔබට උදව් කරන්නේ කෙසේද?
🔥 නොමිලේ උපදේශනය:
ඔබේ Busta paga සහ ආදායම් තත්වය පරීක්ෂා කර ඔබට ලබාගත හැකි උපරිම ණය මුදල (Mutuo Amount) ගණනය කර දීම.
🔥 හොඳම බැංකු පොලී අනුපාත:
වෙළඳපොලේ ඇති අඩුම පොලී අනුපාත (Tasso Fisso/Variabile) යටතේ ණය මුදල ලබා දීම.
🔥 සියලුම ලිපිලේඛන කටයුතු:
බැංකු සමග කතා කිරීමේ සිට Notaio දක්වා වූ සියලුම නීතිමය සහ ලිපිලේඛන කටයුතු මුල සිට අගටම අප විසින් සිදු කර දීම.
තවත් කාලයත්, සල්ලිත් අපතේ යවන්න එපා. අදම අපට කතා කරන්න. ඔබේ හැකියාවට ගැලපෙන, ඔබටම හිමි නිවසක දොරටුව විවර කරගන්න අපි ඔබට ආලෝකය පෙන්වන්නෙමු !
𝗟𝗶𝗴𝗵𝘁𝗵𝗼𝘂𝘀𝗲
සිහින නිවසක පෙරගමන්කරු !
© Ligththouse All rights reserved !
