Shahab Nama

Directions

Shahab Nama Contact information, map and directions, contact form, opening hours, services, ratings, photos, videos and announcements from Shahab Nama, Real Estate, jamia nagar Okhla, Delhi.

30/08/2026
نیٹ سے سی یو ای ٹی تک: طلبہ کا مستقبل کس کے حوالے؟ہفتہ ۳۰؍ مئی کو ایک بار پھر قومی سطح کے داخلہ امتحان ’’کامن یونیورسٹی ...
01/06/2026

نیٹ سے سی یو ای ٹی تک: طلبہ کا مستقبل کس کے حوالے؟
ہفتہ ۳۰؍ مئی کو ایک بار پھر قومی سطح کے داخلہ امتحان ’’کامن یونیورسٹی انٹرنس ٹیسٹ‘‘ (سی یو ای ٹی-یو جی) کے انعقاد میں تکنیکی رکاوٹوں کے سبب ہزاروں طلبہ اور ان کے والدین کو شدید پریشانی کا سامنا کرنا پڑا۔ امتحان کے متعدد مراکز پر دو گھنٹے سے زائد تاخیر ہوئی، طلبہ کو گرمی اور بے یقینی کی حالت میں طویل انتظار کرنا پڑا اور کئی مقامات پر احتجاج بھی ہوئے۔ ہنگامہ ہونے پر نیشنل ٹیسٹنگ ایجنسی (این ٹی اے) نے تکنیکی خرابی کا ذمہ دار اپنے شراکت دار ادارے ٹی سی ایس کو قرار دے دیا، لیکن سوال یہ ہے کہ کیا محض ذمہ داری کسی دوسرے ادارے پر ڈال دینے سے مسئلہ کا حل ہو جائےگا؟
گزشتہ چند برسوں کے دوران قومی سطح کے اہم امتحانات مسلسل تنازعات اور انتظامی ناکامیوں کی زد میں رہے ہیں۔ پہلے نیٹ کا پرچہ لیک ہونے کے معاملے نے ملک کو ہلا کر رکھ دیا، پھر سی بی ایس ای کے امتحان اور جانچ کے نظام پر سوالات اٹھے، اس کے بعدایس ایس سی کے امتحانات میں بے ضابطگیوں کی شکایات سامنے آئیں اور اب سی یو ای ٹی کے انعقاد میں سنگین تکنیکی خامیوں نے طلبہ کے اعتماد کو مزید متزلزل کر دیا ہے۔ ایسا محسوس ہوتا ہے کہ ملک کا پورا امتحانی نظام بحران سے دوچار ہے اور اس بحران سے نمٹنے کے لیے جس سنجیدگی کی ضرورت ہے، وہ دکھائی نہیں دے رہی ہے۔تعلیم کسی بھی قوم کی ترقی اور خوشحالی کی بنیاد ہے، اگر تعلیمی نظام کمزور ہو جائے تو اس کے اثرات نسلوں تک محسوس کیے جاتے ہیں۔ افسوس کی بات ہے کہ موجودہ حالات میں ایسا لگتا ہے کہ حکومت کی ترجیحات میں تعلیم کا شعبہ وہ مقام حاصل نہیں کر سکا جس کا وہ مستحق ہے۔ سیاسی سرگرمیوں، انتخابی حکمت عملیوں اور اقتدار کے حصول کی دوڑ میں تعلیم، صحت اور نوجوانوں کے مستقبل جیسے بنیادی مسائل پس منظر میں چلے گئے ہیں۔
یہ حقیقت کسی سے پوشیدہ نہیں کہ حکمران جماعت انتخابی سیاست پر غیر معمولی توجہ دے رہی ہے۔ ملک کے مختلف حصوں میں سیاسی سرگرمیاں، انتخابی مہمات اور اقتدار کے دائرے کو وسیع کرنے کی کوششیں مسلسل جاری ہیں، لیکن اگر اسی جوش و جذبے اور منصوبہ بندی کا کچھ حصہ تعلیم اور صحت جیسے بنیادی شعبوں پر صرف کیا جاتا تو شاید آج طلبہ کو اس قدر مشکلات کا سامنا نہ کرنا پڑتا۔سی یو ای ٹی میں تاخیر کے بعد طلبہ اور والدین کا غصہ بجا تھا۔ لاکھوں نوجوان اہم ترین مرحلے سے گزر رہے ہیں۔ ایک امتحان ان کے مستقبل، ان کے خوابوں اور ان کی برسوں کی محنت کا فیصلہ کرتا ہے۔ ایسے میں اگر وہ امتحانی مراکز کے باہر گھنٹوں انتظار کرنے پر مجبور ہوں، بار بار نظامی خرابیوں کا شکار ہوں اور ہر سال کسی نئے بحران کا سامنا کریں تو ان کے اعتماد اور حوصلے پر منفی اثرات مرتب ہونا فطری امر ہے۔لوک سبھا میں قائدِ حزبِ اختلاف راہل گاندھی نے بھی انہی خدشات کا اظہار کرتے ہوئے حکومت کو شدید تنقید کا نشانہ بنایا ہے۔ ان کا کہنا تھا کہ ’’چار امتحانات، ایک کروڑ بچے، مگر ایک بھی ایمانداری سے نہیں ہو سکا۔‘‘ انہوں نے طنز کرتے ہوئے کہا کہ ’’دعوے وشو گرو بننے کے ہیں، مگر ملک میں ایک امتحان بھی صحیح طریقے سے نہیں کروا سکتے۔ وزیر اعظم مودی نے پورے تعلیمی نظام کو تباہ کر دیا ہے۔ جس نسل کا مستقبل آپ برباد کر رہے ہیں، وہی نسل ایک دن آپ سے حساب مانگے گی۔‘‘
اگرچہ سیاسی بیانات میں مبالغہ آرائی کا عنصر موجود ہوتا ہے، لیکن حقیقت یہ ہے کہ قومی امتحانات سے متعلق مسلسل سامنے آنے والے مسائل حکومت اور متعلقہ اداروں کے لیے لمحۂ فکریہ ضرور ہیں۔اس سے قبل نیٹ امتحان کے پرچہ لیک معاملے نے ملک بھر میں بے چینی پیدا کی تھی۔ احتجاجی مظاہرے ہوئے، عدالتوں میں مقدمات دائر ہوئے اور بعض طلبہ کے انتہائی مایوس کن اقدامات کی خبریں بھی سامنے آئیں۔ اسی طرح سی بی ایس ای کے آن اسکرین مارکنگ سسٹم کے حوالے سے طلبہ اور اساتذہ نے متعدد شکایات کیں۔ یہ تمام واقعات اس بات کی نشاندہی کرتے ہیں کہ تعلیمی نظام میں جامع اصلاحات کی ضرورت ہے۔حکومت اور متعلقہ اداروں کو یہ سمجھنا ہوگا کہ تعلیمی نظام صرف امتحانات منعقد کرنے کا نام نہیں بلکہ یہ کروڑوں نوجوانوں کے خوابوں، امیدوں اور مستقبل سے جڑا ہوا معاملہ ہے۔
امتحانات کے انعقاد میں شفافیت، تکنیکی مضبوطی، احتساب اور جواب دہی کو یقینی بنانا وقت کی اہم ضرورت ہے۔ صرف وضاحتیں پیش کرنے یا ذمہ داری دوسروں پر ڈالنے سے مسائل حل نہیں ہوں گے۔نوجوان کسی بھی قوم کا سب سے قیمتی سرمایہ اور روشن مستقبل ہوتے ہیں، جو سیاست دان ملک سے محبت، ترقی اور خوشحالی کے بلند بانگ دعوے کرتے ہیں، انہیں سب سے پہلے تعلیم کے شعبے کو اپنی ترجیحات میں شامل کرنا چاہیے اور ایک جامع، شفاف اور مضبوط تعلیمی پالیسی مرتب کرنی چاہیے۔ مقام افسوس ہے کہ گزشتہ چند برسوں میں قومی سطح کے امتحانات سے متعلق بدعنوانیوں اور بے ضابطگیوں میں غیر معمولی اضافہ دیکھنے میں آیا ہے۔ ایک وقت تھا جب پرچہ لیک ہونے جیسے واقعات ش*ذ و نادر ہی سامنے آتے تھے، لیکن آج یہ ایک خطرناک وبا کی شکل اختیار کرتے جا رہے ہیں۔تعلیم کے نام پر سرگرم مافیا لاکھوں نہیں بلکہ کروڑوں روپے کے عوض نوجوانوں کے مستقبل کا سودا کر رہے ہیں۔ پرچہ لیک کرنے اور امتحانی نظام کو آلودہ کرنے کا یہ گھناونا کھیل نہ صرف قانون کی دھجیاں اڑا رہا ہے بلکہ محنت، قابلیت اور دیانت داری کی بنیادوں کو بھی کھوکھلا کر رہا ہے۔ اس کا سب سے بڑا نقصان ان لاکھوں طلبہ کو اٹھانا پڑتا ہے جو دن رات محنت کرتے ہیں، اپنی خواہشات قربان کرتے ہیں اور کامیابی کے خواب آنکھوں میں سجائے امتحان گاہوں تک پہنچتے ہیں۔ جب ایک پرچہ لیک ہوتا ہے تو صرف ایک امتحان متاثر نہیں ہوتا بلکہ بے شمار خواب ٹوٹ جاتے ہیں، برسوں کی محنت رائیگاں چلی جاتی ہے اور نظام پر سے اعتماد متزلزل ہو جاتا ہے۔شاید بعض سیاست دانوں کے لیے یہ محض ایک انتظامی خرابی یا معمولی خبر ہو، لیکن ان نوجوانوں کے دلوں پر کیا گزرتی ہے جنہوں نے اپنی تمام توانائیاں ایک امتحان کی تیاری میں صرف کر دی ہوں؟ ان والدین کے جذبات کو کون محسوس کرے گا جو اپنی محدود آمدنی، بے شمار قربانیوں اور بڑی امیدوں کے ساتھ اپنے بچوں کو ڈاکٹر، انجینئر، سائنس دان یا اعلیٰ افسر بنتا دیکھنے کا خواب سجائے بیٹھے ہوتے ہیں؟ جب بدعنوانی اور نااہلی ان خوابوں کو کچل دیتی ہے تو اس کا زخم صرف ایک خاندان نہیں بلکہ پورا معاشرہ محسوس کرتا ہے۔
ضرورت اس بات کی ہے کہ مرکزی حکومت اور وزارتِ تعلیم ان اداروں اور ایجنسیوں کے احتساب کے لیے مؤثر اور سخت نظام وضع کرے جن کے کندھوں پر ملک کے کروڑوں طلبہ کے مستقبل کی ذمہ داری عائد ہے۔ محض وضاحتوں، کمیٹیوں اور رسمی کارروائیوں سے مسئلہ حل نہیں ہوگا بلکہ جواب دہی، شفافیت اور پیشہ ورانہ اہلیت کو یقینی بنانے کے لیے ٹھوس اور دیرپا حکمت عملی اختیار کرنا ہوگی۔حکومت کو چاہیے کہ امتحانی عمل میں جدید ٹیکنالوجی، مضبوط نگرانی، سخت قانونی کارروائی اور مؤثر احتساب کے نظام کو نافذ کرے تاکہ پرچہ لیک، تکنیکی خرابیوں اور انتظامی ناکامیوں کا ہمیشہ کے لیے خاتمہ ہو سکے۔ اگر ہندوستان واقعی ایک علمی اور ترقی یافتہ قوم بننا چاہتا ہے تو اسے اپنے تعلیمی نظام کو اولین ترجیح دینی ہوگی، کیونکہ مضبوط تعلیم ہی روشن مستقبل کی ضمانت ہے، اور اگر یہی نظام کمزور ہوگیا تو ملک کا مستقبل بھی کمزور اور تاریک ہونے سے نہیں بچ سکے گا۔

06/03/2026

Address

Jamia Nagar Okhla
Delhi
110025

Website

Alerts

Be the first to know and let us send you an email when Shahab Nama posts news and promotions. Your email address will not be used for any other purpose, and you can unsubscribe at any time.

Shortcuts

Share

Category