Mohamed farag

Call Directions Contact the business

Mohamed farag شريك مؤسس بشركة ويبيلد webuild للتطوير العقارى و الاستشارات العقارية بمنطقة بيت الوطن ..التجمع webuild ...this is our company name.

our core business construction ,finishes and decoration

جديد الكهرباء فى بيت الوطن ... التجمع
15/10/2026

جديد الكهرباء فى بيت الوطن ... التجمع

شرط من شروط التعاقد مع الهيئة لاراضي المرحلة ال ١٠ بيت الوطن .يلتزم شارى الارض باستخراج رخصة البناء خلال ستة شهور من تار...
15/10/2026

شرط من شروط التعاقد مع الهيئة لاراضي المرحلة ال ١٠ بيت الوطن .
يلتزم شارى الارض باستخراج رخصة البناء خلال ستة شهور من تاريخ استلام الارض
بصراحة مش واضح ....الالتزام بالتقديم على الرخصة خلال ٦ شهور و الا يكون تم استخراج الرخصة بالفعل ...
انا اعتقد الاولى اقرب للصواب و المنطق و لكن خلينا نحلل القرار ..
اولا هو قرار يمنع او يحد من تجارة اراضي بيت الوطن ....لان كدا بيجبر مالك الارض على استخراج الرخصة بعكس المراحل السابقة اللى فيها اراضي خلصت مهلة او قاربت و صاحبها لم يستخرج الرخصة
ثانيا اعتقد دا هيعمل تسارع للانتهاء من حركة بناء و تعمير بيت الوطن .
ثالثا ... و طبعا هو ضغط على اى حد اشترى ارض للتجارة و ليس للبناء .. لانة اكيد عاوز يبيع قبل تحميل نفسة باعباء تراخيص و اقساط ..

مشروع G109... النورث هاوس الرخصة خلصت .... و منتظرين تصريح الحفر لبداية الانشاءات .شقة ارضي ١٥٠ م و معاها حديقة ٩٦ م تفا...
14/10/2026

مشروع G109... النورث هاوس
الرخصة خلصت .... و منتظرين تصريح الحفر لبداية الانشاءات .
شقة ارضي ١٥٠ م و معاها حديقة ٩٦ م
تفاصيل ارجو التواصل واتساب ٠١٠٠١٩٢١٢٠٦ #

لكل صاحب ترس فى منظومة تصنيع العقار او اى منتج اخر .....ترس حضرتك مش هيدور الا لو التروس اللى قابلك و اللى بعدك داروا .....
14/10/2026

لكل صاحب ترس فى منظومة تصنيع العقار او اى منتج اخر .....
ترس حضرتك مش هيدور الا لو التروس اللى قابلك و اللى بعدك داروا ...
صاحب الارض
الوسيط العقارى
تاجر المون ...حديد و خرسانة ...الخ
مقاول ( نجار ..حداد .سباك ..كهربائى........الخ.)
مطور .....
العقار لو لم يتم بيعة .... كل اللى فوق دول وقفوا .....حرفيا .
بقول الكلمتين دول ..علشان اى حد بيفكر يزود اسعار بدون سبب مقنع ..انت بتبص تحت رجلك و اى حد من اللى فوق دا هيتعثر هى مسألة وقت ان التعثر دا يوصلك ....
و هنا لازم اتكلم عن المطور ...علشان المطور هو صاحب المصنع ...هو اللى بيشغل كل التروس اللى فوق دى ....
المطور عندة حسبة قد تكون بسيطة و لكن تفاصيلها كتير جدا و مخاطرها اكبر ..
اى مشروع بيكون معمول له دراسة جدوى بيدخل فيها تكاليف و بيتحسب فيها مبيعات ....و عندك فى النص اى مخاطر زى تغيير سعر الصرف و خلافة على دماغ المطور ..
ترس المطور لو وقف ...جميع التروس اللى قبلة و اللى بعدة حتقف ...
و من اهم المتغيرات اللى حصلت الفترة اللى فاتت تسعير المرحلة ال ١١ من اراضي بيت الوطن ....كان مبالغ فية جدا جدا ...
و بسرعة رهيبة ... بدأ كل اصحاب اراضي المراحل السابقة فى اعادة تسعير الاراضي بناء على التسعير الجديد ....
تمام ...اية بقي اللى حصل ...المطور بدأ يحسب حسبة جديدة ...للتكاليف علشان يشوف هيبيع متر الشقة بكام .... لقى الحسبة هيكون فيها قفزة كبيرة فى اسعار الشقق ...
قعد على جنب و بدأ يفكر يا ترى لو اخدنا ارض بالأسعار دى هنعرف نزود اسعار الشقق ...
السؤال الاهم طب لو زودنا هيبقي فى حركة بيع اصلا .....؟!!!!
و خلى باللك فى مشاريع كتير موجودة فى السوق بتبيع بالأسعار المتعارف عليها لسة ..
يعنى حضرتك عندك بضاعة بالسعر القديم و بضاعة تانية بالسعر الجديد ...
هتعمل اية يا مطور ؟!!!!!!!

فكينا الاعمدة .... و بدأنا فى التجهيز لسقف الاول علوى
13/10/2026

فكينا الاعمدة .... و بدأنا فى التجهيز لسقف الاول علوى

13/10/2026

مدخل الحى الاول من على طريق السويس

أعلنت الهيئة عن بدأ تسليم قطع اراضي المرحلة العاشرة ..... بمنطقة بيت الوطن التجمع ...حى الاوركيد حى جنوب السويس الحى الس...
13/10/2026

أعلنت الهيئة عن بدأ تسليم قطع اراضي المرحلة العاشرة ..... بمنطقة بيت الوطن التجمع ...
حى الاوركيد
حى جنوب السويس
الحى السادس
الحى السابع
الحى التامن...
تسليم المرحلة من وجهة نظرى هو نقطة فارقة فى اسعار الشقق فى منطقة بيت الوطن ...
مع بداية تسليم الاراضي بتبدأ حركة البيع تاخد اتجاة مختلف ...
مختلف ازاى ....هقولك ...
بيبدأ تجار الاراضى فى رفع ايديهم ..... و يبدأ المطورين فى الدخول ...
يعنى اية الكلام دا ...
تاجر الارض طول ما الارض ماتسلمتش فالموضوع تمام بالنسبالة و بتكون حركة البيع اسهل و لسة ما دخلش فى مرحلة دفع الاقساط ..
مع بداية التسليم دا معناة كدا فى اقساط بدأت تعد ....و انا هنا بتكلم عن اقساط تقيلة غير بتاعة زمان ...
و كمان ما بقاش فى تأخير اقساط مسموح بية ...
هنا بيبدأ يدخل المطور اللى عاوز يشتغل ....
و بيكون قدامة حسبة هو بيحسبها و بناء على الحسبة دى بيحدد حياخد اية ...
ال ٣ شهور الجايين فى اعتقادى الشخصي هيكونوا فارقين فى سوق بيت الوطن

13/10/2026

العقد لواحدة مش كفاية

13/10/2026

تعاملت مع شركات صينية كتير خلال سنوات عملى فى الخليج ...
و تعرفت على كتير منهم و تعاملت معهم شخصيا ....
حلم كل موظف فى شركة او مصنع ...انة يفتح شركتة او مصنعة الخاص ...
اعتقد كلمة حلم هنا غير مناسبة ..لان لما بتتكلم معاهم ....و تسمع شرحة لحياتة و خطواتة و ترتيب امورة ...هو ما بيتعاملش مع اللى عاوز يعملة على انة حلم .....لا خالص
هو بيتعامل مع الموضوع دا على انة امر بديهى و لازم تحقيقة ....
تحس انة بيتكلم و بيقولك انا اتعلمت كذا و كذا ...و اشتغلت فى المجال الفلانى ....و عند وصولى لسن معينة لازم يكون عندى المصنع الخاص بيا ...
دا مش تفكير شخصي ...دى ثقافة شعب كامل و متعارف عليها و منطقية و طبيعية ...
عندنا لما تيجى تتوظف فى مكان بيبقي عاوز يمضيك على عقد عبودية علشان ما تتعلمش و تروح تشتغل لنفسك .
نشر ثقافة معينة بين الناس انك توصل الجموع كلها لطريقة التفكير الايجابية بحيث ان اى شخص بيخرج برة التفكير دا هيكون بيمثل الوضع الشاذ ...
بخلافنا تماما ان اللى بيخطط و يجتهد و عاوز ينجح بيمثل الوضع الشاذ ..
محتاجين نتعلم

13/10/2026

الدولار داخل على ٥٣ جنية .....

Address

كومباوند هايد بارك التجمع
Cairo

Telephone

+201001921206

Website

Alerts

Be the first to know and let us send you an email when Mohamed farag posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mohamed farag:

Shortcuts

Share