29/04/2024
ما لازم يتنصب عليك ....
أقولك حاجة بصراحة .... تستحق إنه يتنصب عليك ✋️ اللهم لا شماته
إيه الموضوع يا جماعة .....
خلال الفتره اللي فاتت دي وبعد ما عملت الفيديو بتاع عمليات الاحتيال والنصب والتزوير اثناء شراء الشقق والاراضي
الفيديو تجاوز ١.٢ مليوووووووون مشاهدة بفضل الله
تواصل معايا عدد كبير جدا جدا جدا من الناس ياكاد يكون 1000 رساله ومواضيع كثير وحاجات كثير
الغريب جدا جدا انه الناس دي بيتنصب عليها علشان هي تستاهل انه يتنصب عليها
وما تزعلوش مني يعني ايه يبقى منصوب عليك في ٥ مليون جنية
ولما أطلب منك استشارة ١٠ الاف جنية تقولي كتير ؟!
يعني إيه تبقى بتشتري شقة ب٢ مليون جنية ولما أطلب ٢٠ ألف جنية في الاستعلام وتحرير العقود تقوللي كتير
ما طبيعي يتنصب عليك لأنك بتحب تكسب لوحدك
ولما ييجي حد يكسب جنبك زي المحامي
أو المهندس
أو الوسيط العقاري
يبقى قلبك لونه أسود علشان هتديله فتات من اللي ربنا وسع عليك بيه
طبيعي لما تكون دي نفسيتك ويقابلك نصاب محترف لمس في قلبك الطمع وفي نفسك الشح إنه ينصب عليك وياخذ فلوسك
لانه مستحيل تكسب لوحدك مستحيل
ولو ماكنتش طماع وشحيح النفس وانت بتشتري الفيلا أم ٥ مليون جنية وجبت محامي محترم أخذ منك ١٠٠ ألف جنية مش ٥٠ ماكانش زمانك بتعيط دلوقتي على ال٥ مليون كلهم
سبحان الملك .....
هو أعلى وأعلم بقلوب عباده ونفوسهم
لما المحامي يقولك هاخذ ١٠ الاف جنية استشارة تبقى عارف إن دول أقل حاجة وانت بتشتري عقار ب٢ أو ٣ مليون جنية
ولما يقولك هاخد ٥٠ ألف في الاستعلام والتحري وتحرير العقد وصحة التوقيع تبقى فاهم إن دول مش ثمن أي حاجة
مش ثمن علمه
ولا ثمن خبرته
ولا ثمن دراسته
ولا ثمن سهر الليالي
ولا ثمن عربيته
ولاثمن أي حاجة بيوفرها علشان يقدملك خدمة محترمة وأمينة وكويسه
دول ثمن بس إن العقد بتاعك أبو ٥ مليون مايضيعش منه في الميكروباص
ما هو لما يطلب منك ٥٠٠٠ جنية أتعاب صحة التوقيع فتأكد تماما إنه العقد ممكن يضيع على عربية الفول وهو بيفطر عليها الصبح
الغالي ... ثمنه فيه
والطماع والجشع وشحيح النفس ...
ولو جمع مال الدنيا كله
مسيره ييجي يوم ويعدي عليه نصاب يرجعه ٢٠ سنة ورا
إعمل ما شئت كما تدين تدان 👌
#منقول
#العرَّاب
1️⃣لمي اكون مهندس اكيد مش هقبل عموله الشخص اللي مش فاهم حاجه او بواب او امن العقار دي اهانه انا لا اسمح بها
2️⃣لازم نفهم يا جماعه ان اهل التخصص غير الناس اللي على الله حكايتها
3️⃣وبعدين حضرتك انا مش طالع من فانوس عشان احقق لك كل احلامك وتيجي عند العموله بتاعتي وتستكترها عليا.
