29/10/2026
ہماری کوشش ہوتی ہے کہ رشتوں کی تلاش کے ساتھ ساتھ ہم اپنے ممبرز کو معاشرے میں غلط روایات کے بارے میں آگاہ کریں، اور اُنہیں ترک کریں۔ تاکہ ہماری زندگی آسان ہو سکے۔
شادی اب خوشی کا موقع نہیں رہی، یہ بس show off بن گئی ہے۔ لوگ پیسہ اس لیے اڑاتے ہیں تاکہ دوسروں کو لگے کہ ہم بہت امیر ہیں۔ کرائے کی بڑی گاڑیاں، مہنگے ہال، غیر ضروری کھانے — سب کچھ صرف لوگوں کو impress کرنے کے لیے۔
حالانکہ جن لوگوں کو ہم impress کرنا چاہتے ہیں وہ ہمیں پہلے سے جانتے ہیں۔ انہیں پتہ ہوتا ہے ہماری income کیا ہے، ہمارا lifestyle کیا ہے۔ ایسی صورت میں ادھار لے کر یا حیثیت سے بڑھ کر خرچ کرنا ہمیں امیر نہیں بلکہ non-serious اور fake بنا دیتا ہے۔ کوئی سمجھدار آدمی ایسی حرکتوں سے متاثر نہیں ہوتا۔
اس دکھاوے کا نقصان یہ ہے کہ آج شادی کرنا مشکل ہو گیا ہے۔ خرچے اتنے بڑھ گئے ہیں کہ نوجوان ڈر جاتے ہیں۔ شادیاں لیٹ ہو رہی ہیں، اور اسی تاخیر کی وجہ سے معاشرے میں مسائل بڑھ رہے ہیں۔ ذہنی دباؤ، frustration، غلط عادتیں، p**n addiction جیسے مسئلے عام ہو رہے ہیں۔ پھر جب زیادہ عمر میں شادیاں ہوتی ہیں تو اولاد کے مسائل اور health complications الگ سامنے آتے ہیں۔
ہمیں یہ مان لینا چاہیے کہ ہم نے خود اپنے لیے مشکلات پیدا کی ہیں۔ اسلام اور ہماری اصل روایات سادگی سکھاتی ہیں، نہ کہ قرض لے کر event management کرنے کا درس دیتی ہیں۔ نکاح آسان بنانے کے بجائے ہم نے اسے status competition بنا دیا ہے۔
عقل مندی یہی ہے کہ انسان اپنے پاؤں دیکھ کر چادر پھیلائے۔ ہمیں ان لوگوں کو impress کرنے کی ضرورت نہیں جو صرف دکھاوے سے متاثر ہوتے ہیں۔ ایسے لوگوں کے لیے قرض لے کر پیسہ جلانا سراسر بیوقوفی ہے۔
سادہ شادی، سادہ نکاح، کم خرچ — یہی solution ہے۔ ورنہ ہم آنے والی نسلوں کے لیے بھی یہی مسائل چھوڑ کر جائیں گے۔ عزت show off سے نہیں، sense اور character سے ملتی ہے.