AFAF Properties

18/10/2026

گوادر شہر کا ایک حسین منظر۔

08/09/2026

Pakistan and Oman are moving to give Gwadar Port and Oman’s Sohar Port sister-port status, a move that could open stronger trade links between Pakistan, the Gulf and Central Asia. The two sides plan to finalize an MoU through their respective ministries in the coming weeks.

The proposed partnership could create a more direct maritime connection between CPEC and Gulf markets, allowing cargo to move between Gwadar and Sohar while reducing transit times. Pakistan and Oman are also exploring direct flights between Gwadar and Oman, which could further support business and passenger connectivity.

Disclaimer: This post is based on publicly available reports. Images may be AI-generated or AI-enhanced and are for illustrative purposes only.

29/08/2026

*سی پیک کے نویں جوائنٹ ورکنگ گروپ کا گوادر سے متعلق اجلاس، مکمل شدہ سماجی و اقتصادی منصوبوں سے عوامی استفادے کا جائزہ، ہسپتال کی توسیع، میڈیکل و نرسنگ کالج، فشنگ جیٹی اور بوٹ میکنگ انڈسٹری، ایسٹ بے ایکسپریس وے کی توسیع سمیت گوادر پورٹ اور اس سے منسلک سہولیات کی فعالی، کارگو سرگرمیوں اور پورٹ کے مستقبل کی توسیع کا جائزہ*

بیجنگ/ اسلام آباد، 27 اگست 2026
پاک چین اقتصادی راہداری (سی پیک) کے تحت گوادر کی ترقی سے متعلق جوائنٹ ورکنگ گروپ (JWG) کا نواں اجلاس بیجنگ اور اسلام آباد میں منعقد ہوا، جس میں گوادر میں جاری، مکمل اور مستقبل کے ترقیاتی منصوبوں کی پیشرفت، ترجیحات اور آئندہ کے لائحہ عمل کا تفصیلی جائزہ لیا گیا۔
اجلاس کی مشترکہ صدارت پاکستان کی جانب سے سیکرٹری وزارتِ منصوبہ بندی، ترقی و خصوصی اقدامات ڈاکٹر محمد طاہر نور جبکہ چینی جانب سے نیشنل ڈویلپمنٹ اینڈ ریفارم کمیشن (NDRC) کے ڈائریکٹر جنرل مسٹر پان جیانگ نے کی۔ اجلاس میں متعلقہ وفاقی وزارتوں، اداروں اور چینی حکام و ماہرین نے شرکت کی، جبکہ ڈائریکٹر جنرل گوادر ڈویلپمنٹ اتھارٹی معین الرحمٰن خان اور ڈائریکٹر جنرل آپریشنز گوادر پورٹ اتھارٹی داؤد کلمتی نے ویڈیو لنک کے ذریعے اجلاس میں شرکت کی۔ اسلام آباد میں قائم چینی سفارتخانے کے کمرشل ونگ کے اعلیٰ حکام بھی اجلاس میں شریک تھے۔
اجلاس کے دوران پاکستانی اور چینی حکام کی جانب سے اپنے اپنے متعلقہ شعبوں اور منصوبوں پر تفصیلی بریفنگ دی گئی، جبکہ گوادر میں سی پیک کے تحت مکمل ہونے والے منصوبوں، زیرِ تعمیر منصوبوں اور مستقبل کے لیے تجویز کردہ منصوبوں کی پیشرفت کا جائزہ لیا گیا۔
اجلاس میں گوادر کے اہم سماجی و معاشی منصوبوں، بالخصوص پاک چین ٹیکنیکل اینڈ ووکیشنل انسٹی ٹیوٹ (PCTVI)، جی ڈی اے پاک چین فرینڈشپ ہسپتال اور 1.2 ملین گیلن یومیہ (MGD) سمندری پانی کے ڈیسالینیشن پلانٹ کی پیشرفت اور افادیت کا بھی جائزہ لیا گیا۔
چینی حکام نے گوادر میں مکمل کیے گئے سماجی و معاشی منصوبوں کی کارکردگی اور ان سے مقامی آبادی کو براہِ راست حاصل ہونے والے فوائد پر اطمینان کا اظہار کیا۔ چینی حکام نے اس امر پر خوشی کا اظہار کیا کہ ٹیکنیکل اینڈ ووکیشنل انسٹی ٹیوٹ، پاک چین فرینڈشپ ہسپتال اور 1.2 MGD ڈیسالینیشن پلانٹ سمیت چین کے تعاون سے مکمل کیے گئے منصوبے گوادر کے شہریوں کو عملی اور براہِ راست سہولیات فراہم کر رہے ہیں۔

چینی حکام نے اس عزم کا اظہار کیا کہ گوادر کی سماجی و معاشی ترقی کے لیے چین کا تعاون آئندہ بھی جاری رہے گا اور مقامی آبادی کی ضروریات کو مدنظر رکھتے ہوئے نئے منصوبوں پر بھی تعاون اور غور و خوض کا سلسلہ جاری رکھا جائے گا۔

اجلاس میں جی ڈی اے کی جانب سے مستقبل کے لیے پیش کی جانے والی مختلف تجاویز پر بھی تفصیلی غور کیا گیا۔ پاک چین فرینڈشپ ہسپتال کی توسیع، اس کی استعداد کو ایک سو سے 300 بستروں تک بڑھانے، میڈیکل اور نرسنگ کالج کے قیام سمیت گوادر کے صحت اور تعلیم کے شعبوں سے متعلق تجاویز بھی زیر بحث آئیں۔

اسی طرح گوادر کے ویسٹ بے/پدی زر میں جدید فش لینڈنگ جیٹی، فش ہاربر اور بوٹ میکنگ انڈسٹری کے قیام کی تجاویز پر بھی غور کیا گیا، جن کا مقصد ماہی گیری کے شعبے کو جدید سہولیات فراہم کرنا، مقامی ماہی گیروں کے لیے روزگار و کاروبار کے نئے مواقع پیدا کرنا اور گوادر کی مقامی معیشت کو مزید مستحکم کرنا ہے اسی طرح گوادر سمارٹ انوارمنٹ سنٹینیشن سسٹم اینڈ لینڈ فل پروجیکٹ کی تجویز شامل کیا گیا۔

اجلاس میں گوادر پورٹ اور فری زون، ایسٹ بے ایکسپریس وے فیز-II، بریک واٹر کی تعمیر، برتھنگ ایریاز اور چینلز کی ڈریجنگ، گوادر پورٹ کی ملکی اقتصادی مراکز سے رابطہ کاری، ایم ایٹ موٹروے اور منرل کوریڈور سے گوادر تک رابطہ سڑکوں سمیت متعدد منصوبوں کی پیشرفت کا بھی جائزہ لیا گیا۔

گوادر پورٹ اتھارٹی کی جانب سے گوادر پورٹ کی موجودہ آپریشنل صورتحال، گوادر فری زون فیز-I اور فیز-II اور بندرگاہ سے متعلق مستقبل کی ضروریات پر بریفنگ دی گئی۔ اجلاس میں گوادر پورٹ کے ذریعے کارگو اور امریکہ ایران جنگ کے تناظر میں ٹرانزٹ تجارت میں اضافے، فری زون میں سرمایہ کاری کے فروغ اور صنعتی سرگرمیوں کو وسعت دینے کے اقدامات پر بھی تبادلہ خیال کیا گیا۔

اجلاس میں اس امر پر بھی زور دیا گیا کہ گوادر میں سی پیک کے تحت ترقیاتی عمل کو محض بندرگاہ اور تجارتی سرگرمیوں تک محدود رکھنے کے بجائے صحت، تعلیم، پانی، روزگار، شہری سہولیات اور مقامی معاشی سرگرمیوں کے فروغ کے ساتھ مربوط بنایا جائے تاکہ گوادر کے عوام کو ان منصوبوں کے ثمرات براہِ راست حاصل ہوں۔

چینی شراکت دار نے گوادر میں مکمل ہونے والے سماجی و معاشی منصوبوں سے عوام کو حاصل ہونے والے فوائد کو سراہتے ہوئے مستقبل میں بھی تعاون جاری رکھنے کے عزم کا اعادہ کیا۔ اجلاس میں تجویز کردہ نئے منصوبوں پر مزید غور اور انہیں متعلقہ فورمز سے باقاعدہ منظوری دلانے کے لیے ضروری اقدامات اٹھانے پر بھی اتفاق کیا گیا۔

اجلاس میں اس عزم کا اظہار کیا گیا کہ پاکستان اور چین کے درمیان سی پیک کے تحت گوادر کی ترقی کے لیے جاری تعاون کو مزید مؤثر بنایا جائے گا اور باہمی مشاورت سے نئے منصوبوں کو آگے بڑھاتے ہوئے گوادر کو جدید بندرگاہی، شہری اور معاشی مرکز بنانے کے عمل کو مزید تیز کیا جائے گا۔

23/08/2026

*میجر جنرل حبیب نواز کا گوادر انڈسٹریل اسٹیٹ میں لگنے والے دوسرے صنعتی پلانٹ کا دورہ*

گوادر: جنرل آفیسر کمانڈنگ (GOC) 44 ڈویژن، میجر جنرل حبیب نواز نے گوادر انڈسٹریل اسٹیٹس ڈیولپمنٹ اتھارٹی (GIEDA) کے صنعتی زون میں لگنے والے دوسرے صنعتی پلانٹ، کمبر سی فوڈز (Kambar Sea Foods) کا دورہ کیا، جس کا تعمیراتی و تنصیبی کام حال ہی میں مکمل ہوا ہے۔

گوادر انڈسٹریل اسٹیٹ پہنچنے پر ڈپٹی کمشنر گوادر نقیب اللہ کاکڑ، ڈائریکٹر جیڈا وقاص احمد لاسی، ایکسیئن انجینئر عزیز احمد، جنرل منیجر حمّـل داؤد، جنرل منیجر محمد ہاشم، صنعتی پلانٹ کے مالک و انتظامیہ سمیت اعلیٰ عسکری حکام اور مختلف سرکاری محکموں کے افسران نے میجر جنرل حبیب نواز کا استقبال کیا۔




دورے کے دوران میجر جنرل حبیب نواز نے گوادر انڈسٹریل اسٹیٹ میں لگنے والے دوسرے صنعتی پلانٹ کمبر سی فوڈز کے مختلف حصوں کا معائنہ کیا۔ پلانٹ کے مالک و انتظامیہ نے انہیں منصوبے، پلانٹ کی استعداد، نصب مشینری، پیداواری سرگرمیوں اور مستقبل کے منصوبوں کے حوالے سے تفصیلی بریفنگ دی۔

13/08/2026

02/07/2026

02/07/2026

A new chapter for Balochistan! South Air is connecting Gwadar, Turbat, Karachi, Quetta, Multan & Peshawar. Better connectivity means more opportunities for tourism, trade, and investment. 🇵🇰

25/06/2026

گبد ریمدان بارڈر اور گوادر پورٹ کے لیے بڑی پیش رفت، ایف بی آر آرڈر پر صدر گوادر چیمبر کی مبارکباد، نورالحق بلوچ کی کاوشیں رنگ لے آئیں

اسلام آباد/گوادر: فیڈرل بورڈ آف ریونیو (ایف بی آر) کی جانب سے ایران کے لیے کارگو کی نقل و حرکت کو منظم بنانے کے لیے جاری کیے گئے کسٹمز جنرل آرڈر (CGO) نمبر 05 آف 2026 کو نہ صرف پاک ایران بارڈر گبد ریمدان بلکہ گوادر پورٹ کی تجارتی سرگرمیوں کے لیے بھی ایک اہم سنگ میل قرار دیا جا رہا ہے۔ اس فیصلے سے گبد ریمدان بارڈر کے ذریعے ہونے والی تجارت کو نئی سمت ملے گی جبکہ گوادر پورٹ کو ایک فعال ٹرانزٹ حب بنانے میں بھی مدد حاصل ہوگی۔

صدر گوادر چیمبر آف کامرس جہیند ہوت نے اس اہم پیش رفت پر ایف بی آر کو مبارکباد دیتے ہوئے کہا کہ یہ فیصلہ طویل عرصے سے کاروباری برادری کا مطالبہ تھا، جس سے نہ صرف تجارت میں آسانی پیدا ہوگی بلکہ گبد ریمدان بارڈر اور گوادر پورٹ کے درمیان تجارتی روابط بھی مزید مضبوط ہوں گے۔ انہوں نے کہا کہ اس اقدام سے قانونی تجارت کو فروغ ملے گا اور خطے میں معاشی سرگرمیوں میں نمایاں اضافہ ہوگا۔

انہوں نے چیئرمین گوادر بندرگاہ نورالحق بلوچ کی کاوشوں کو زبردست الفاظ میں سراہتے ہوئے کہا کہ نورالحق بلوچ نے ہمیشہ گوادر پورٹ کو فعال بنانے اور اسے بین الاقوامی تجارت کا مرکز بنانے کے لیے بھرپور کردار ادا کیا ہے۔ جہیند ہوت نے کہا کہ نورالحق بلوچ کی مسلسل محنت، وژن اور سنجیدہ کوششوں کے نتیجے میں آج گوادر پورٹ اور گبد ریمدان بارڈر دونوں کی اہمیت میں اضافہ ہو رہا ہے۔

انہوں نے مزید کہا کہ نورالحق بلوچ کی قیادت میں کیے گئے اقدامات سے نہ صرف گوادر پورٹ کی فعالیت میں بہتری آئی ہے بلکہ بارڈر ٹریڈ کو بھی ایک نئی زندگی ملی ہے۔ انہوں نے ایک بار پھر نورالحق بلوچ کی خدمات کو خراج تحسین پیش کرتے ہوئے کہا کہ ان کی کاوشیں گوادر کو خطے کا اہم تجارتی مرکز بنانے میں کلیدی کردار ادا کر رہی ہیں۔

صدر چیمبر کا کہنا تھا کہ یہ آرڈر اسمگلنگ کی روک تھام، شفاف نظام کے قیام اور قانونی تجارت کے فروغ میں اہم کردار ادا کرے گا، جس سے گبد ریمدان بارڈر اور گوادر پورٹ دونوں پر کاروباری سرگرمیاں مزید مستحکم ہوں گی۔ کاروباری برادری نے بھی اس فیصلے کا خیر مقدم کرتے ہوئے امید ظاہر کی ہے کہ اس سے نہ صرف تجارت میں اضافہ ہوگا بلکہ مقامی معیشت کو بھی مضبوط سہارا ملے گا اور گوادر پورٹ علاقائی تجارت کا حقیقی مرکز بن کر ابھرے گا