09/10/2026
🕯️ भोटेकोशी बाढीमा ज्यान गुमाएकाहरूको ४५औँ दिनको पुण्यतिथिमा दीप प्रज्वलन कार्यक्रम 🕯️
जोरायल गाउँपालिका वडा नं. ३ मा रहेको एकता युथ हबको नेतृत्वमा भोटेकोशीमा गएको बाढीका कारण ज्यान गुमाउनु भएका व्यक्तिहरूको ४५औँ दिनको पुण्यतिथिको अवसरमा दिवंगत आत्माहरूको चिरशान्तिको कामना तथा घाइतेहरूको शीघ्र स्वास्थ्यलाभको कामना गर्दै आज जोरायल गाउँपालिकाको कार्यालय परिसरमा दीप प्रज्वलन कार्यक्रम सम्पन्न गरिएको छ।
उक्त कार्यक्रममा जोरायल गाउँपालिका अध्यक्ष श्री दुर्गादत्त ओझा, उपाध्यक्ष श्री जमुना बोहरा, वडा नं. ३ का वडा अध्यक्ष श्री नवीन ओझा, इलाका प्रहरी चौकीका इन्चार्ज, गाउँपालिकाका कर्मचारीहरू तथा युवाहरूको उपस्थिति रहेको थियो।
यस दुःखद् घडीमा ज्यान गुमाउनु भएका सम्पूर्णप्रति हार्दिक श्रद्धाञ्जली तथा शोकसन्तप्त परिवारजनमा गहिरो समवेदना व्यक्त गर्दछौँ। साथै, घाइते हुनुभएका सम्पूर्णको शीघ्र स्वास्थ्यलाभको कामना गर्दछौँ। 🕯️🙏
