23/08/2026
Bcc နဲ့ အစိမ်းဘုတ်နဲ့ ကိုယ် မသိတဲ့ သူတွေ သေချာကြည့်ကြပါ နော် နားလည်တတ်ကျွမ်းတဲ့ သူ ခေါ်ခဲ့ကြပါ
( BCC) ဆိုတာဘာလဲ...
တိုက်ခန်းဝယ်သူတွေ မေးလေ့ရှိကြတဲ့ (BCC) စာရွက်ဆိုတာ ဘာလဲ...?
BCC ဆိုတာ ( Building Complete Certificate )ပါ၊ အဆောက်အဦးပြီးစီးကြောင်းလက်မှတ်လို့ ခေါ်ဆိုပါတယ်။
တိုက်ခန်းတစ်ခန်း ဝယ်ယူမယ်ဆိုရင် အခြားလိုအပ်တဲ့ စာရွက်စာတန်းတွေနဲ့အတူ BCC စာရွက်လေးကိုလဲ အဓိကထား စစ်ဆေးရပါတယ်။
အဆိုပါ စာရွက်ဟာ လူနေထိုင်ခွင့်ပုံစံ စာရွက်ဖြစ်သလို နောင်တစ်ချိန် အရောင်းအဝယ် ပြန်လုပ်တဲ့အခါမှာ မရှိမဖြစ် လိုအပ်တဲ့ စာရွက်ဖြစ်ပြီး အဲ့ဒီစာရွက်မရှိပါက ရောင်းဝယ်ဖို့ ကြန့်ကြာနိုင်ပါတယ်။ ပေါက်စျေးလဲ မရနိုင်ပါဘူး။
BCC စာရွက်လို့ ပေးလိုက်ပေမယ့် BCC စာရွက်လို့ မသိကြတဲ့သူတွေလဲ ရှိနေပါတယ်။
တစ်ခါတုံးက တိုက်ခန်းတစ်ခန်းရောင်းပေးတော့ အဝယ်ဖက်ကခေါ်ယူလာတဲ့ သူတယောက်က စာရွက်စာတမ်းကို စစ်တာမှာအဆောက်အဦးပြီးစီးကြောင်းစာရွက်ပဲပါပြီး လူနေထိုင်ခွင့်ဆိုတဲ့ BCC စာရွက် လိုသေးတယ်လို့ ပြောတာ ကြုံဖူးခဲ့ရပါသေးတယ်..😇။
အင်္ဂလိပ်လို Building Completion Certificate မို့ BCC လို့ အတို ခေါ်ဝေါ်ကြပြီး လူနေထိုင်ခွင့်လို့ ရေးထားတဲ့ စာရွက်မဟုတ်ကြောင်း အဆောက်အဦးပြီးစီးကြောင်း အသိအမှတ်ပြုစာရွက်သာဖြစ်ကြောင်း ရှင်းပြခဲ့ရပါသေးတယ်။
BCC ကို လူနေထိုင်ခွင့်လို့ အလွယ်ပြောကြတော့ အဲဒီတော့ စာရွက်ပေါ်မှာ လူနေထိုင်ခွင့်လို့ ပါနေလိမ့်မယ်လို့ ထင်မှတ်ထားကြလို့ပဲ ဖြစ်ပါတယ် ။
Building Completion Certificate ဆိုတဲ့ စည်ပင်ဌာနကထုတ်ပေးတဲ့ အဆောက်အဦးပြီးစီးကြောင်း အသိအမှတ်ပြုလွှာကို BCC လို့ အတိုနဲ့ ခေါ်ဝေါ်ကြတာပဲဖြစ်ပါတယ်။
BCC ကို လူနေခွင့်လို့ အကြမ်းဖျဉ်းသိထားတဲ့သူတွေက BCC စာရွက်လည်း မြင်ရော “လူနေခွင့်ပြုသည်” ဆိုတဲ့ စာသားမပါလို့ဆိုပြီး မေးတတ်ကြပါတယ်။
ပိုပြီးဆိုးတာက "ဘုတ်စိမ်း" လို့အလွယ်ခေါ်တဲ့ ဆောက်လုပ်ခွင့်ပြုမိန့်စာရွက်မှာ "လူနေထိုင်ရန်" ဆိုတဲ့ စာလုံးကို စာလုံးဆိုဒ်အကြီးနဲ့ မင်ခုံနဲ့ထုပြီး ပါတာကို BCC လို့ ထင်တတ်ကြတာပါပဲ..။
"လူနေထိုင်ရန်" ဆိုတဲ့ စာလုံးအကြီးပါတဲ့ ဘုတ်စိမ်းစာရွက်ဆိုတာက လူနေထိုင်ရန်အတွက် ဆောက်လုပ်ခွင့်ပြုတဲ့ ခွင့်ပြုမိန့် စာရွက်ပဲဖြစ်ပါတယ်..။
ဆောက်လုပ်ခွင့်ပြုမိန့်မှာ (လူနေရန်၊ ကျောင်းဆောက်ရန်၊ ဟော်တယ်ဆောက်ရန်) စတဲ့ စာလုံးကြီးကြီးနဲ့ ဖေါ်ပြပါရှိနေတာတွေဟာ မည်သည့်လုပ်ငန်းအတွက် ဆောက်လုပ်ရန်ခွင့်ပြုကြောင်းကို ( Commercial) နဲ့
ခွဲခြားသတ်မှတ်ထားတာပဲ ဖြစ်ပါတယ်.။
ဘုတ်စိမ်းစာရွက်ပါရင် တရားဝင်ဆောက်လုပ်ခွင့်ပြုမိန့်နဲ့ ဆောက်တဲ့တိုက်လို့ ပြောလို့ရပါတယ်..။
ဒါပေမဲ့ တရားဝင်ဆောက်လုပ်ခွင့်ပြုမိန့်နဲ့ ဆောက်လုပ်ပြီးစီးသွားရင် အဆောက်အဦးပြီးစီးကြောင်းလက်မှတ် (BCC) လျောက်ရပါတယ်..။
ဘုတ်စိမ်းစာရွက်တစ်ခုနဲ့တင် မပြီးပါဘူး..။ BCC စာရွက်ပါ ရရှိဖို့ လိုအပ်ပါတယ်..။
"လူနေထိုင်ရန်"လို့ ပါတဲ့၊ "ဘုတ်စိမ်း" စာရွက်ပဲ ပြနိုင်ရင် တရားဝင် ဆောက်လုပ်ခွင့်နဲ့တော့ ဆောက်ထားတယ်..။
အဆောက်အဦးပြီးစီးကြောင်းလက်မှတ် "BCC" တော့ တင်မထားဘူးလို့ အဓိပ္ပါယ်ရပါတယ်..။
BCC စာရွက်ပါရင်တော့ ဘုတ်စိမ်းစာရွက်တောင်းဖို့ မလိုတော့ပါဘူး..။ BCC ဆိုတာ ဘုတ်စိမ်းစာရွက်ရှိမှ ရတဲ့စာရွက်မို့ပါ..။
၂၀၁၅ နှစ်လယ် ရှေ့ပိုင်းလောက်ထိ တိုက်တွေက မီတာကျပြီး အားလုံးပြီးစီးပြီဆိုမှ BCC စာရွက် သပ်သပ်တင်ပါတယ်..။
အဲ့ဒီတုန်း ၃ထပ်ခွဲတိုက်နဲ့ ၅ထပ်တိုက်ဆောက်တဲ့ ကန်ထရိုက် အသေးစားတွေက ဆောက်လုပ်ခွင့်(ဘုတ်စိမ်း)တင်ပြီးဆောက်ရင် မီတာလည်း အလွယ်တကူရတာမို့ BCC ဆက်မတင်ကြပဲ နေတတ်ကြပါတယ်။
ဒါကြောင့်မို့လို့ ၃ထပ်ခွဲတိုက်နဲ့ ၅ထပ်တိုက်တွေမှာ BCC စာရွက်မေးလိုက်ရင် "လူနေထိုင်ရန်" လို့ မင်အပြာနဲ့တုံးထုထားတဲ့ ဘုတ်စိမ်းစာရွက်ကို BCC လို့ ပြောပြီးပေးတတ်တာတွေလည်း ရှိကြပါတယ်..။
၂၀၁၅ နှစ်လယ်လောက် နောက်ပိုင်းကစလို့ အဆောက်အဦးတွေမှာ BCC ရမှသာ မီတာချပေးတော့ပါတယ်..။ BCC ကျပြီးတာနဲ့ BCC စာရွက်နဲ့ မီတာ ထပ်လျောက်ရပါတယ်၊ အဲဒီတော့မှ BCC ဆိုတာ မတင်မနေရ ဖြစ်ကုန်ကြတာပါ..။ ဒါကြောင့်မို့လို့ ၂၀၁၅ နှစ်လယ် နောက်ပိုင်းကတိုက်တွေတိုင်းမှာ BCC စာရွက် ပါလာကြပါတယ်..။
ဒါကြောင့်မို့ တိုက်ခန်းမဝယ်ခင် ဒီစာကို အသေးစိပ် နားလည်အောင်ဖတ်သွားရင် အကျိူးတစုံတရာရှိလာပါလိမ့်မယ်လို့ မျော်လင့်ပါတယ်..။
ဗဟုသုတအလို့ငှာ BCC စာရွက်ပုံစံနှင့် အစိမ်းဘုတ်စာရွက်ပုံစံကိုတွဲလျက်ဖော်ပြပေးလိုက်ပါတယ်။
Crd
