24/08/2026
طب إيه اللي حصل للناس؟
إمتى بقينا بالشكل ده؟
إمتى بقى كل واحد شايف نفسه ومصلحته ووقته أهم من أي حد تاني؟
إمتى بقى الطبيعي إنك تعمل اللي يناسبك حتى لو ده على حساب وقت ومجهود والتزامات غيرك؟
حتى التركيز نفسه بقى منهار. الناس مش بتسمع، مش بتنتبه، ومش بتفتكر الكلام اللي اتقال من دقيقتين. كل حاجة سريعة، سطحية، وأنانية بشكل مرهق.
زمان كنت تحس إن الشخص السيئ هو الاستثناء وسط ناس كويسة كتير.
دلوقتي أحيانًا بتحس إن الشخص المحترم، الواعي، اللي عنده ذوق وضمير وبيحترم كلمته ووقت غيره… هو الاستثناء.
وده مش مجرد "زهق من الناس".
ده إرهاق حقيقي من الاضطرار إنك كل يوم تتعامل مع أشخاص محتاجين منك تشرح لهم أبسط قواعد الاحترام والالتزام والمسؤولية.
يمكن المشكلة مش إن الناس كلها وحشة.
يمكن المشكلة إننا بقينا في زمن بقى فيه الاحترام استثناء، والأنانية هي القاعدة.