Ghada Sayed

24/10/2026

من أهم الأدوات اللي محتاجه كل أم تعرفها عشان يكون عندها تواصل جيد بينها و بين ولادها ❤️

21/09/2026

كل الدعم لكل الأمهات اللي كل يوم بتعافر ❤️

# معا نحو تنشئة جيل سوي

11/09/2026

"قمة الأسره العربيه لحماية الطفل " من أجمل ال events اللي حضرتها و أجمل ما فيه إنه حقيقي (صنع بحب)😍

مؤتمر كده يحسسك إنه لسه في أمل، لسه فيه خير ،لسه نقدر نعمل حاجه،لسه نقدر نؤثر و نغير.
ناس كتير من مختلف الدول العربيه من متخصصين و مدربين و مدرسين و مسؤولين من الدوله و خبراء في علوم النفس و التربيه و مؤسسات تعليميه و تربويه و كمان أهالي،اتجمعوا على هدف واحد بس (حماية الطفل).🥰

كل الناس أقرت و آمنت بحق الطفل في تنشأته في بيئه آمنه وسط مجتمع واعي يهدف لتنشأة جيل سوي نفسيا و عقليا و جسديا.

شكرا د.رنا هاني على كل المجهود المبذول عشان يطلع ال event بالشكل المشرف ده، شكرا على الرسايل الخفيه اللي بتوصليهالنا من خلال مثابرتك و إصرارك و إحسانك و إخلاصك في كل حاجه بتعمليها.❤️
شكرا لكل اللي speakers ذو العلم و الخبره اللي حقيقي استفدنا منهم و أضافوا لينا معاني كتير قويه أثرت فينا كلنا

12/06/2026

17/04/2026

ذكريات يوم الجمعه 😍

15/04/2026

أثناء رحلة تربيتنا لأولادنا أحيانا كتير بيكون جواهم كلام و أفكار ماتقالتش.
سكوتهم و تنفيذهم لأوامرنا مش معناها أبدا إن الدنيا تمام و انهم كويسين.
إقبلوا ولادكم زي ما هما
كل طفل ليه شخصيته المميزه الخاصه بيه لوحده
إبنك أو بنتك مش نسخه منك و لا نسخه من حد
هو نسخه منفرده لوحدها مش متكرره
كفايه أوامر أوامر طول اليوم
كفايه توجيه طول الوقت على الصغيره قبل الكبيره
إدوهم مساحتهم الخاصه اللي بيها يقدروا يتعاملوا معانا بشخصيتهم الحقيقيه و هما مرتاحين
ركزوا على مميزاتهم هتشوفوهم بعيون تانيه خالص ❤️

#اقبلوا ولادكم و حبوهم زي ما هما
#مش لازم ولادنا يكونوا على مزاجنا
#رفقا

12/04/2026

الدراسات العلميه الحديثه أثبتت إن الإيقاع السريع لحياتنا يؤثر سلبا على المخ و الحاله المزاجيه للإنسان.تلاقي نفسك دايما في حالة توتر و قلق و جري ما تعرفش أصلا ليه و لا عشان ايه؟
النتيجه إنك بتستنزفي في مخك و أعصابك و صحتك النفسيه و الجسديه.دايما في إحساس بعدم الراحه مش مبسوطه و لا عارفه تستمتعي بأبسط الأشياء و لا عارفه تشوفيها أصلا.
جربي تهدي إيقاع يومك من غير سرعه و لا استعجال
جربي تعملي نفس الحاجات اللي بتعمليها يوميا بس أبطأ شويه و إنت مركزه في تفاصيلها.
جربي تعملي يوميا mental vacation انك تقعدي من ١٠ ل ٢٠ دقيقه يوميا في مكان هادي خالص و لوحدك بعيد عن أي مشتتات و غمضي عينك و فكري و تخيلي انك في مكان حلو بتحبيه.كأنك على البحر مثلا و ركزي في باقي المناظر الطبيعية اللي هتكون حواليكي و شوفي تأثير ده على يومك و صحتك النفسيه و إنتاجيتك هيكون ازاي.
#صحتك النفسيه أهم 😍

10/12/2025

الحمد لله كان ليا نصيب أحضر مؤتمر Mindos مع ترابط و إللي اجتمع فيه نخبه من أفضل الناس في المجال النفسي و التربوي و كمان العلاقات.
خرجت من المؤتمر مشحونه بطاقه و بمعلومات و وعي أكبر و أعمق لمواضيع كتير مهمه و مختلفه.
ممتنه لكل كلمه إتقالت و لكل فكره فرقت جوايا و لكل حد من ال speakers سلافا سليم،آلاء نصيف،د.عماد رشاد،د.مصطفى النحاس،د.محمد طه،ياسمين فاروق،هبه السواح.كلهم اتكلموا عن خبرة سنين طويله كلام حقيقي طالع بصدق من القلب.
الوعي نعمه،العلم نعمه، فاللهم علمنا ما ينفعنا و انفعنا بما علمتنا و زدنا علما و نورا.