19/09/2026
Հայկական մշակույթն ու բիզնեսը՝ Մոնակոյում․ Վրույր Փենեսյանի նախաձեռնությամբ
Սենտեմբերի 3-ին և 4-ին Մոնակոյում անցան «Հայաստանի օրերը» ։ Սեպտեմբերի 3-ին կայացավ 2 միջոցառում ՝ Hôtel Métropole Monte-Carlo-ում անցավ հայկական ոսկերչական արվեստին նվիրված միջոցառում, ուր շնորհանդեսով ներկայացվեց հայկական DAMIRAH ոսկերչական բրենդը և «Armenian Goldsmith» եռահատոր գիրքը՝ նվիրված հայկական ոսկերչության բազմադարյա պատմությանը , որից մեկ օրինակ Վրույր Փենեսյանի կողմից փոխանցվեց Մոնակոյի իշխան Ալբեր II-ին։ Միջոցառման հատուկ հյուրն էր աշխարհահռչակ սոպերմոդել Վիկտորիա Սիլվշտեդը :
Երեկոն ուղեկցվեց հայկական դուդուկի և դաշնամուրի կենդանի կատարումներով։ Հյուրերին առանձնահատուկ դուր եկան հայկական խմիչքները՝ հանձինս OHANYAN կոնյակի,որը արդեն վաճառվում է Մոնակոյում , Altera wines գինիների որը ներկայացրեց իր ստեղծման և համաշխարհային հաջողությունների մասին , Abrikon բրենդիի , որի բույրը և համը տպավորեց սոմելիեներին և ARARAT ջրերը ,որոնք տպավորել էին իրենց յուրահատուկ շշերով և համով ։
Khakhamyan Heritage կառուցապատող ընկերությունը միջոցառմանը ներկայացրեց Amanoo բնակելի թաղամասը՝ որպես բնության, ճարտարապետության և մտածված կենսակերպի ներդաշնակությամբ ձևավորվող համայնք։ Amanoo-ի ներկայությունը հնարավորություն էր միջազգային հարթակում ներկայացնելու Հայաստանում ձևավորվող նոր բնակելի մշակույթն ու մնայուն արժեքների գաղափարը։
Ցուցահանդեսի ֆինանսաբանկային գործընկեր IDBank-ը տեղում հյուրերին ներկայացրեց նորարար և ժամանակակից գործիքակազմ, ինչպես նաև արտերկրում բնակվող մեր հայրենակիցների համար Պրեմիում բանկային ծառայությունների և գործարքներ իրականացնելու հնարավորությունները ։
Նույն օրը Մոնակոյի Մայր տաճարում տեղի ունեցավ բարեգործական համերգ՝ միջազգային ճանաչում ունեցող հայ երաժիշտների մասնակցությամբ։ Բեմում հանդես եկան Ֆրանկֆուրտի օպերայի սոպրանո Անի Յորենց Սարգսյանը, աշխարհահռչակ դաշնակահարուհի Նարե Արղամանյանը Վիեննայից և դուդուկահար Լևոն Չատիկյանը Լիոնից ։
Միջոցառմանը անդրադարձել է նաև Մոնակոյի պետական Monaco Info հեռուստաալիքը ։
Սեպտեմբերի 4-ին «Հայաստանի օրերի» ուշադրության կենտրոնում Հայաստանի տնտեսական և ներդրումային ներուժն էր։ Ընտրված հյուրերի համար կազմակերպված փակ երեկոյի ընթացքում Freedom Broker Armenia-ի կողմից ներկայացվեցին Հայաստանում ներդրումներ կատարելու, բիզնես կապեր ստեղծելու և երկիրը որպես ապրելու ու ներդրում կատարելու ուղղություն դիտարկելու հնարավորությունները։
Նախաձեռնության հեղինակը և կազմակերպիչը «Հայաստանի արդյունաբերողների և գործարարների միության» նախագահության անդամ Վրույր Փենեսյանն է, որի նախաձեռնությամբ Մոնակոյում նմանատիպ միջոցառումներ անցկացվում են 2018 թվականից և կրում են «Armenian Collection Monte-Carlo» անվանումը ։
